Barangay Love Stories - Clint Part 3

Pasado alas sais ng gabi noong unang araw ko sa restaurant nang dumating si Neneng at may dalang mga libro. Morena si Neneng pero unang sayad pa lang ng mga mata ko sa kaniya ay parang na-magic kaagad ako. Mahaba ang buho niya pero nakatali. Hindi maputi ang kaniyang mukha pero malinis at may maliliit na dimples pa siya na lumalabas kapag nakangiti siya.

“Eto si Clint,..pamangkin ni Angge…” Narinig kong sabi ni Ate Nida sabay tapik sa pawisan kong balikat, noong ipakilala niya ako sa bagong dating na si Neneng.

“Yan naman si Neneng. Scholar namin ‘yan…” Sabi niya. Sumaludo sa akin si Neneng sabay ngiti. Noon ay tinawag ako sa dining area dahil marami daw liligpitang plato, pero sumunod si Neneng na may dalang tray.......................