Barangay Love Stories - Lidezma Part 2

Inisip kong pumabor sa akin ang pagkakataon ng maging kami ni Daryl. Noon kasi nagsimulang mainlove si Mama sa isang sekta ng relihiyon na hindi ko na lang babanggitin. Naging abala siya dito dahil nagpupunta pa sila sa iba’t-ibang lugar kaya naman naging medyo malaya ako sa relasyon ko kay Daryl.

Nakikitira noon si Tita Lorie sa bahay kasama ng anak niyang si Kleg na noon ay tatlong taong gulang pa lamang. Si Tita Lorie ay kaibigan ni Mommy at ang asawa nito ay nasa abroad. Nasa Saudi. May kakaibang kwento rin ng pag-ibig at pagsubok sina Tita Lorie at Tito Charlie.